Shevchenko bën dallimin mes Chelseat dhe Milanit para derbit në Ligën e Kampionëve.

Ish-sulmuesi i Milanit dhe Chelseat, Andriy Shevchenko është i emocionuar për ndeshjen e ardhshme të Ligës së Kampionëve mes dy ish-klubeve të tij.

Rossonerët aktualisht janë në krye të Grupit E pas dy ndeshjeve të para, duke marrë një barazim 1-1 me RB Salzburg në ndeshjen e tyre hapëse dhe një fitore 3-1 ndaj Dinamo Zagrebit në ndeshjen e tyre të dytë. Një fitore kundër Chelseat, i cili aktualisht është në fund pas një humbjeje ndaj kroatëve dhe një barazimi me austriakët, i lejon Milanit të vendosë një këmbë në raundin e 16-të në gjysmë të rrugës.

Duke folur për Milan TV, Shevchenko ka diskutuar fillimisht për cilësitë e Milanit nën drejtimin e Stefano Piolit.

“Milani luan futboll të mirë, ka besim, luan me intensitet të lartë dhe i menaxhon mirë ndeshjet. Ata kanë lojtarë cilësorë që mund të bëjnë diferencën, ka thënë legjenda ukrainase.

“Milani luan futboll modern që njerëzit e pëlqejnë aq shumë, ata luajnë futboll sulmues, por gjithashtu dinë të menaxhojnë mirë të gjitha situatat gjatë ndeshjeve”.

Ai u kthye në lojërat mes Milanit dhe Chelseat në vitin 1999, të cilat përfunduan në barazim.

“Ishte një lojë shumë intensive, skuadra angleze është e vështirë. Ne kishim barazuar 0-0. Kjo Chelsea-Milan do të jetë ndryshe, dy skuadrat aktuale janë të ndryshme nga ato dy. Milani e ka ngritur nivelin e tij, pres një ndeshje të mirë, një konkurrencë intensive dhe të nivelit të lartë”.

Ish-reprezentuesi ukrainas parashikoi një ndehsje të ashpër në përplasjen e së mërkurës.

“Do të ketë një atmosferë shumë të nxehtë. Chelsea duhet të fitojë dhe do të rrisë shumë ritmin, por Milani ka lojtarë cilësorë. Do të jetë një ndeshje speciale për Giroud që luajti për Chelsean, ai po bën shumë mirë, ai do të jetë qendra e kësaj ndeshjeje”.

Shevchenko tërhoqi vëmendjen cilësitë e Giroud si person dhe lojtar.

“Ai është një person shumë i mirë. Ai është një sulmues që di ku ta vendosë veten për të shënuar gola, ai ka një sy të shkëlqyeshëm për golin. Ai është elegant, ka ende shumë për t’i dhënë Milanit. Të kesh dikë si ai në ekip ndihmon shumë. Do të jetë një lojë e veçantë për të kundër Chelseat”.

Më në fund, Shevchenko dha mendimet e tij për yllin e Milanit, Rafael Leao dhe çfarë do të thotë kjo ndeshje për të.

“Leao po bëhet lider. Në Londër ai do të ketë shansin të tregojë cilësitë e tij të mëdha edhe në Ligën e Kampionëve, e cila është një kompeticion ndryshe nga liga italiane”.

“Leao është një talent i madh, i cili gjithashtu mund të bëjë diferencën në këto ndeshje”, ka shtuar më tej Shevchenko.

Komento:

	Komenti