Shkaku i Kosovës, Rashani i thotë ‘JO’ kësaj skuadre

21:33 | 25 Shkurt 2020

Elbasan Rashani ka refuzuar ofertën e nje ekipi në Amerikë.

Ka qenë Kosova, arsyeja pse Rashani ka refuzuar një transferim në Shtetet e Bashkuara të Amerikës.

Anësori i Kombëtares së Kosovës, ka zbuluar se ka pasur dy oferta gjatë afatit kalimtar të janarit, por që i ka refuzuar për të mbetur tek Odd në Norvegji.

Njëra prej tyre, i ka ardhur nga SHBA-ja, konkretisht nga skuadra Real Salt Lake, të cilën e ka refuzuar për që qëndruar më afër Kosovës, kur dihet se ‘Dardanët’ po kërkojnë Euro 2020.

“Kam pranuar një ofertë nga Real Salt Lake. Ishte një ofertë shumë e mirë. Nuk dua të futem në detaje se çka ndodhi, por nuk u realizua këtë herë”, ka deklaruar Rashani për Nettavisen, përcjell lajmi.

“Do të ishte mundësi e mirë për mua atje, por janë disa gjëra që duhet të mendohen. Përfaqësuesja e Kosovës ndër të tjera. SHBA-ja është larg dhe unë dua të jem në përfaqësuese. Ne jemi dy ndeshje larg Evropianit”.

Tutje lojtari ka zbuluar se ka pasur edhe një ofertë nga Sporting Gijon në Spanjë.

Komento: