Shkarkohet trajneri i Leicester Cityt, kjo është arsyeja – Ora Info Ballina | ORAinfo.com - Nuk ndalet

Shkarkohet trajneri i Leicester Cityt, kjo është arsyeja

11:35 | 24 Shkurt 2019

Claude Puel është shkarkuar nga pozita e trajnerit të Leicester Cityt.

Ai nuk do të jetë më trajner i skuadrës së Leicester, pasi kryesia e klubit ka vendosur që ta shkarkojë atë.

Vendimi për fatin e trajnerit francez është marrë këtë mëngjes, si pasojë e humbjes 1:4 ndaj Crystal Palace.

Puel kishte drejtimin e skuadrës për 56 ndeshje në Premierligë, me një rezultat prej 19 fitoreve, 13 barazimeve dhe 24 humbjeve.

Një seri prej gjashtë humbjeve në shtatë ndeshjet e fundit duket t’i ketë kushtuar atij me punën e trajnerit.

Leicester nuk kishte mposhtur ndonjë skuadër që pozicionohet më mirë sesa vendi i 12-të që nga 3 nëntori.

Komento: