Mbrojtësi i Kroacisë, Joshko Gvardiol, do të largohet në fund të këtij edicioni nga Leipzigu për ta vazhduar karrierën në Angli.

Sipas “Daily Mail”, të premten Gvardiol do t’i bashkohet Manchester Cityt, ekip që tashmë ka marrëveshje me futbollistin dhe po negocion me klubin gjerman për lirimin e tij.

Po ashtu, mësohet se City ka mposhtur edhe konkurrencën e skuadrave të tjera pasi për 21-vjeçarin ka ofruar 80 milionë euro.

Reprezentuesi kroat po pëlqehet shumë nga trajneri Pep Guardiola, i cili po insiston në transferimin e tij më të përfunduar edicioni aktual.

Ai ka kontratë me Leipzigun deri në vitin 2027 dhe është ndër mbrojtësit më të vlerësuar në Evropë. Këtë edicion, Gvardiol ka 40 ndeshje të luajtura dhe 3 gola të shënuar për Leipzigun.

Komento:

	Komenti