Skena të papritura kanë ndodhur sonte në ndeshjen Chelsea-Manchester City.

Manchester City u tregua më i saktë në penallti dhe kështu fitoi në finale të EFL Cup ndaj Chelseat.

Kjo ndeshje do të mbahet mend gjatë, jo për arritjen e skuadrës së Pep Guardiolas, por për atë që ndodhi te skuadra nga Londra.

Në momentet e fundit të vazhdimeve trajneri Maurizio Sarri vendosi ta zëvendësojë Kepa Arrizabalaga dhe në vend të tij të futë Willy Caballero.

Kjo pasi ky i fundit shquhet si një portier që i mbron penalltitë mirë dhe kështu Blutë kishin një avantazh për të triumfuar në këtë finale.

Por, teknikut italian nuk i shkoi plani ashtu siç e kishte menduar pasi portieri spanjoll refuzonte të lëshonte fushën e lojë.

Kepas iu afruan shumë bashkëlojtarët, përfshirë gjyqtarin kryesor duke e këshilluar që të dëgjonte urdhrat e trajnerit, por ai vendosi ta bëjë të kundërtën.

Kjo e nervozoi shumë Sarrin, i cili për një moment dëshiroi ta lëshoi edhe stadiumin. Tani një gjë është e sigurt, spanjolli do të ketë probleme me klubin ose trajnerin e tij.

24-vjeçari iu bashkua në verë skuadrës angleze për një shifër rekord prej 80 milionë euro.

Komento:

	Komenti