Shpenzuan plotë 75 mijë euro, ja si janë dekuruara sheshet e kryeqytetit – Ora Info Ballina | ORAinfo.com - Nuk ndalet

Shpenzuan plotë 75 mijë euro, ja si janë dekuruara sheshet e kryeqytetit

21:20 | 23 Dhjetor 2018

Edhe kryeqyteti i Kosovës, Prishtina më në fund është zbukuruar dhe ka marrë një pamje tjetër.

Komuna e Prishtinës më në fund ka përfunduar dekorimin e kryeqytetit për festat e fundvitit, shkruan lajmi.net.

Kreu i Komunës së Prishtinës, Shpend Ahmeti, përmes një postimi në profilin e tij zyrtar në rrjetin social Facebook, ka publikuar disa fotografi të shesheve kryesore.

“Bredhat në tri sheshe dhe dritat e ndryshme janë ndezur në krejt qytetin. Tregu i fundvitit edhe sivjet po mbledh shumë njerëz në atmosferën e festave të fundvitit”, ka shkruar Ahmeti në profilin e tij zyrtar në rrjetin social Facebook, përcjell lajmi.net.

Ndryshe, komuna e Prishtinës për dekorimin e shesheve kryesore kishte ndarë 75 mijë euro buxhet.

Duke e krahasuar me vitin e kaluar, këtë vit komunës i ka kushtuar 17 mijë euro më shumë dekorimi i shesheve kryesore.

Ndërkaq për këtë Adonis Tahiri, zëdhënës i Komunës së Prishtinës, kishte konfirmuar për lajmi.net se këtë vit buxheti ishte më i lartë për shkak se është shtuar edhe sheshi “Adem Jashari”.

Më poshtë ju sjellim fotografitë që ka shpërndarë Ahmeti në Facebook.

Komento: