Thiago Silva pritet të largohet nga Paris Saint-Germain gjatë verës.

Braziliani ka qenë i lidhur ngushtë me një ribashkim me Milanin tetë vjet pas largimit dhe SportMediaset shkoi aq larg sa raportoi se kthimi i 35-vjeçarit në Milano është i afërt.

Ai mund të bashkohet me Milanin në një transferim falas pasi marrëveshja e tij e tanishme në PSG skadon më 30 qershor, përcjell ORAinfo.

Milani nuk është klubi i vetëm që janë alarmuar nga shansi të nënshkruajnë një mbrojtës me përvojë falas, me Everton, Arsenal, Barcelona dhe Manchester United gjithashtu të interesuara për Silvan.

Mirëpo ka edhe raporte se Silva mund të zgjas kontratën të paktën edhe për disa muaj me PSG-në.

Tani çështja është nëse ai do të nënshkruajë një zgjatje dy-mujore me parisienët, në mënyrë që të mund të vazhdojë përpjekjen për të fituar Ligën e Kampionëve.

Pavarësisht interesimit të ekipeve, deri me tani nuk ka oferta konkrete në tryezë dhe e ardhmja e mbrojtësit brazilian është e paqartë. /ORAinfo/

Komento:

	Komenti