Kryetari i Kuvendit të Kosovës, Kadri Veseli ka thënë se së shpejti do t’a dërgojë në Kuvend Ligjin për Mbrojtjen e Verave të UÇK’së, ku do të dënohen veteranët mashtrues.

Ka thënë se fokusi i luftës së tij do të jenë veteranët e rrejshëm.

“Dinjiteti i UÇK-së nënkupton edhe që abuzuesit me lista të veteranëve të mos munden që edhe më tutje ta dëmtojnë nderin e luftës sonë për liri dhe buxhetin e shtetit”, ka shkruar Veseli, në një reagim në FB.

Për shkak të falsifikimit me lista të veteranëve, ka nisur një proces gjyqëosr, duke i vendosur në bankën e të akuzuarve njerëzit kryesor të luftës, përfshirë edhe ish-Shefin e UÇK’së, Agim Çekun. Dhjetëra miliona euro shkojnë për çdo vit për këta mashtrues.

Sidoqoftë, Veseli ka thënë se me Ligj synohet mbrojtja e dinjitetit dhe sakrificave të popullit tonë për liri.

“UÇK është vlerë sublime e kombit tonë, prandaj nuk do të lejojmë që emri dhe nderi i saj të njollosen, as nga armiqtë tanë, e as nga profiterët meskinë. Ligji për Vlerat e UÇK-së, po ashtu do ta rregullojë përfundimisht çështjen e Ditës Kombëtare të Dëshmorëve të Lirisë. Gjithashtu edhe themelimin e Muzeut Kombëtar të Luftës Çlirimtare. Gjithmonë krenar me Ushtrinë Çlirimtare të Kosovës”, ka shtuar ai.

Komento:

	Komenti