Mbrëmë në Gramsh ka ndodhur një ngjarje e papritur.

Tre shtetas të huaj tentuan të futen mbrëmjen e kaluar uzinën e përpunimit të armëve në Gramsh. Njëri prej tyre sulmoi dy ushtarë, duke i lënë të lënduar.

Ardi Bici dhe Ardjan Xhaka u transportuan në spitalin “Nënë Tereza” për të marrë ndihmë mjekësore dhe fatmirësisht ndodhen jashtë rrezikut për jetën.

Ditën e sotme ushtarakët u vizituan nga ministri i Mbrojtjes Niko Peleshi. Njëri prej tyre rrëfen se shtetasi rus, të cilin u përpoqën ta neutralizojnë ishte i dhunshëm dhe ka reaguar duke u hedhur edhe spraj ndaj tyre.

Ushtari rrëfeu se në fytyrë kishin shumë djegie gjë që bëri t’u ikë shikimi, po pastaj e kapën sulmuesin edhe e mbajtën në vend derisa njoftuan policinë.

“Bëmë detyrën tonë si ushtarakë. Ka qenë i dhunshëm. Hodhi spraj, kam shenjat. Hodhi edhe nga fytyra. Shikimi për momentin na iku, por tani jemi më mirë. Me gjithë përgjegjësin e rojes e kapëm të dy”, tha ai

Komento:

	Komenti