Mënyra më e mirë është rritja e sasisë së vitaminave, mineraleve dhe antioksidantëve që e forcojnë imunitetin.

Disa nga ushqimet kryesore ku gjenden vitaminat që luajnë një rol të rëndësishëm në rritjen e imunitetit dhe burimet ushqimore të tyre janë:

– Beta karoten

Beta karoteni kthehet në vitaminë A, e cila është thelbësore për një sistem të fortë imunitar. Ajo funksionon duke ndihmuar antitrupat të reagojnë ndaj toksinave dhe substancave të huaja dhe gjendet tek: patatet e ëmbla, karrotat, mangot, pjeshkët, kajsitë, spinaqin, kale, brokolin, kungullin dhe kanellën, etj.

– Vitamina C

Vitamina C rrit nivelin e antitrupave në gjak dhe ndihmon në diferencimin e limfociteve (qelizat e bardha të gjakut), e cila e ndihmon trupin të përcaktojë se çfarë lloj mbrojtjeje është e nevojshme.

Disa studime kanë sugjeruar që nivele më të larta të vitaminës C (të paktën 200 miligram) mund të pakësojnë kohëzgjatjen e simptomave të ftohjes.

Ju mund të konsumoni 200 miligram vitaminë C nga një kombinim ushqimesh si: portokall, grejpfrut, kivi, qitro, luleshtrydhe, lakër brukseli, speci i kuq dhe jeshil, brokoli, lakër dhe lulelakër, shalqiri, etj.

– Vitamina D

Vitamina D rregullon prodhimin e një proteine që “vret në mënyrë selektive agjentët infektues, përfshirë bakteret dhe viruset” – thekson Prof. Michael Holick (Professor of Medicine, Physiology and Biophysics) në një punim të tij.

Gjithashtu, – sipas tij – Vitamina D ndryshon aktivitetin dhe numrin e qelizave të bardha të gjakut, të njohura si limfocitet vrasëse T 2, të cilat mund të zvogëlojnë përhapjen e baktereve dhe viruseve.

Burime të mira ushqimore të vitaminës D i gjemë tek: peshku yndyror (edhe i konservuar) salmoni dhe sardelet, vezët, qumështi dhe produkte të tij, djathi, tofu dhe kërpudha.

(Nuk është evidentuar shkencërisht se duke rritur sasinë e Vitaminës D je i mbrojtur totalisht nga Koronavirusi, por duke e rritur sasinë e saj, rrisni edhe imunitetin tuaj. Nëse mendoni se nuk po merrni mjaftueshëm Vitaminë D, mund ta masni me një analizë gjaku që sot Spitali Amerikan e ofron në të gjitha spitalet dhe laboratorët e tij).

– Zinku

Zinku ndihmon qelizat në sistemin tuaj imunitar të rriten dhe të diferencohen. Burimet e zinkut gjenden tek: fasulet, qiqrat, thjerrëzat, drithërat, arrat, farat, molusqet (duke përfshirë konservat), gaforret, karavidhet, viçi i njomë dhe pa yndyrë, pulat, sidomos pulat e detit.

– Proteinat

Proteina është thelbësore për ndërtimin e qelizave imune dhe antitrupave dhe luan një rol vendimtar që sistemi ynë imunitar të punojë sa më mirë.

Proteina vjen si nga burime shtazore ashtu edhe nga bimët: peshqit, shpendë, viçi, qumësht, kos, vezë dhe gjizë, si dhe arra, fara, fasule, qiqra dhe thjerrëza.

– Prebiotikët

Probiotikët dhe prebiotikët ndihmojnë në rritjen e shëndetit të mikrobiomës, e cila nga ana tjetër mbështet sistemin tonë imunitar. Burimet e probiotikëve përfshijnë produkte të qumështit të fermentuar si: kos dhe kefir (së fundmi është futur edhe në vendin tonë), djathëra të stazhonuar, si dhe ushqime të fermentuara si lakër turshi, etj. Burimet e prebiotikëve përfshijnë drithëra të plota si dhe bananen, qepën, hudhrën, asparagun, karçofin dhe fasulet.

Për një hidratim sa më të mirë gjatë verës konsumoni sa më shumë ujë, fruta, supa me perime dhe lëngje pa gaz.

Komento:

	Komenti