Si votojnë të burgosurit – Ora Info Ballina | ORAinfo.com - Nuk ndalet

Si votojnë të burgosurit

19:01 | 16 Tetor 2021

Nesër votojnë edhe të burgosurit.

Nesër në kuadër të zgjedhjeve lokale në Kosovë do të votohet edhe në institucionet korrektuese.

“Si në të gjithë vendin, me 17 tetor procesi i votimit do të zhvillohet edhe në institucionet korrektuese të Republikës së Kosovës”, thuhet në njoftimin e Florent Gashit, zëdhënësit të Shërbimit Korrektues të Kosovës,.

“Në koordinim të SHKK-së dhe KQZ-së, procesi i votimit do të zhvillohet nëpër të gjitha institucionet korrektuese, SHKK do të kujdeset për krijim e hapësirave dhe mbarëvajtjen e procesit, ndërsa listat e votuesve dhe materialet zgjedhore do të sigurohen nga KQZ”.

Janë 1637 të burgosur por prej të cilëve do të mund të votojnë vetëm shtetasit e Kosovës të cilët janë të pajisur me dokumentet valide.

“Aktualisht në institucionet korrektuese janë 1637 persona të burgosur, ndërsa të drejtë vote kanë të gjithë ata persona të cilët janë shtetas të Republikës së Kosovës, e të cilët posedojnë dokumente valide”.

“Nga ky numër i të burgosurve përjashtohen të miturit nën moshën 18 vjeçare dhe shtetasit e huaj”.

Komento: