Këshilltarja politike e Kryeministrit Albin Kurti për Luginën e Preshevës, Ardita Sinani, ka publikuar pamje të rralla kur ishte votuar në Preshevë në Referendumin për Autonomi Politike e Territoriale, me të drejtë bashkimi me Kosovën.

Në 32 vjetorin e këtij Referendumi, Sinani ka thënë se kjo është ngjarja që shënoi unitetin më të madh ndonjëherë ndër shqiptarët e Luginës..

“Nën presionin e paparë të një regjimi famëkeq që mretëronte në ish-Jugosllavi, e i cili ishte në fillimet e tij, shqiptarët e Preshevës, Medvegjës e Bujanocit me vendosmërinë më të madhe kombëtare iu përgjigjën masivisht kësaj ngjarje historike. Në mënyrë plebishitare u votua “PËR autonomi politike-territoriale me të drejtë bashkimi me Kosovën””, ka shkruar Sinani.

“Mirënjohje e pafund për organizatorët e këtij Referendumi, duke filluar nga Riza Halimi, kryetari i Partisë për Veprim Demokratik, Ali Ahmeti, kryetari i Partisë Demokratike Shqiptare e Ibrahim Kadriu, kryetarit të Kuvendit për Referendumin”, ka shkruar tutje ajo.

Komento:

	Komenti