Nuk ka kush që e ndal Barcelonën.

Barcelona rrëmben fitoren e radhës në La Liga, duke shkatërruar 4-1 Betisin në transfertë. Lionel Messi ka përjetuar një mbrëmje magjike duke shënuar tri gola, njëri më të bukur se tjetrin.

Sulmuesi argjentinas i ka dhënë skuadrës së tij avantazhin në minutën e 18-të në transfertën delikate ndaj Betisit. “Pleshti” ekzekutoi në mënyrë perfektë një goditje standarde në një pozicion shumë të favorshëm në hyrje të zonës, duke e dërguar topin në cepin e portës së Lopez, i cili nuk kishte asnjë shans reagimi.

Në shtesën e pjesës së parë, Lionel Messi shërben mjaft mirë për Suarez, dhe më pas merr një pasim spektakolar nga sulmuesi uruguaian, për ta dërguar në fundin në rrjetë.

Në minutën e 63-të, Suarez shënoi golin e tretë, ndërkohë që Betis reagoi duke shënuar me Moron. Messi ndërkohë nuk e kishte thënë fjalën e fundit, pasi 5 minuta nga fundi i kohës së rregullt shënoi një tjetër super gol me një goditje me parabël, e cila përfundoi në cepin e portës.

Barcelona me këtë fitore ruan vendin e parë me 66 pikë, 10 më shumë se Atletico Madrid.

Komento:

	Komenti