Një incident i rëndë ka ndodhur në një shkollë fillore në fshatin Dranoc, të Komunës së Deçanit ku një burrë ka ushtruar dhunë fizike ndaj një nxënësi 11-vjeçar, duke shkaktuar shqetësim të madh tek prindërit dhe komuniteti lokal, shkruan Projekti.

Sipas informacioneve fillestare, ngjarja ka ndodhur para shkollës, ndërsa motivet e sulmit ende nuk janë bërë të ditura.

Nxënësi ka marrë trajtim mjekësor, ndërsa gjendja e tij raportohet jashtë rrezikut për jetën.

Prokuria e ka konfirmuar rastin, duke pohuar se i dyshuari është identifikuar dhe ndaluar për 48 orë, në kuadër të hetimeve për zbardhjen e plotë të rastit.

Autoritetet kompetente janë duke vazhduar hetimet, ndërsa pritet që ndaj të dyshuarit të ndërmerren veprime të mëtejshme ligjore.