Kategoria
Lajmet e fundit
14 °C

“Skandaloze”– politikanët reagojnë pas sjelljes së tifozëve rumunë ndaj futbollistëve dardanë

22:26 | 12 Shtator 2023
“skandaloze”–-politikanet-reagojne-pas-sjelljes-se-tifozeve-rumune-ndaj-futbollisteve-dardane

Ndeshja futbollistike Rumani-Kosovë është ndërprerë pak minuta pas fillimit të saj, për shkak të shpalosjes së banerit “Kosova është Serbi” nga tifozët rumunë.

Si rezultat i situatës së krijuar, në rrjetet sociale kanë shpërthyer reagimet e shumta duke përfshirë këtu edhe politikanët.

Ish-presidenti Behgjet Pacolli ka reaguar në platformën “X”, duke thënë se këto skena janë ta papranueshme.

“Skena të papranueshme në Bukuresht. Tifozët rumunë provokojnë kombëtaren e Kosovës me një pankartë propagandistike serbe. Kjo është skandaloze! Kosova është e pavarur, dhe politika nuk ka lidhje me sportin”, ka shkruar Pacolli.

Reagim ka pasur edhe nga shefi i Grupit Parlamentar të AAK-së, Besnik Tahiri i cili ka thënë se kjo është turp për sportin.

“Kjo nuk ka lidhje me sportin, kjo është turp për sportin. Tre pikë janë më e pakta si kompensim moral ndaj dëmit që tifozeria rumene, pro serbe, i shkaktoi imazhit dhe reputacionit të ekipit së Republikës së Kosovës”, ka shkruar Tahiri.

 

Komento:
Lajme të tjera
ORAinfo
© 2012 – 2026 ORA Info. Të gjitha të drejtat janë të rezervuara.

Rreth ORAinfo

Portali ORAinfo.net është themeluar në qershor të vitit 2012 nga një grup gazetarësh dhe redaktorësh, që të gjithë me përvojë të gjatë në mediat e Kosovës. Qëllimi i themelimit të portalit është ofrimi i alternativës në marrjen e informatave në mënyrë profesionale dhe në kohë sa më të shpejtë.

Materialet dhe informacionet në ORAinfo nuk mund të kopjohen ose të përdoren pa iu referuar burimit të portalit apo miratimin nga redaksia e ORAinfo.

Contact

               
Privacy and Policy
TEL : 044 / 911 100