Xhevdet Smakiqi i ftuar në emisionin “Raport” në Kanal 10, ka thënë se Kosova do të ketë sfida të reja, pasi Donald Trump fitoi zgjedhjet në Shtetet e Bashkuara të Amerikës.

Ai ka thënë se Kosova duhet të sillet në atë mënyrë që ta ruaj partneritetin strategjik.

“Ne duhet të kthjellemi sepse ne nuk mund ta ndryshojmë realitetin, me fitoren e Trump edhe gjeostrategjik edhe qasja komplet edhe në Evropë ka ndryshuar, sepse jemi akoma duke jetuar në një botë njëpolare ku SHBA-ja është superfuqi. Ne si Kosovë duhet të sillemi ashtu që ta ruajmë partneritetin strategjik besa te kemi persona në politikë të cilët janë të përgjegjshëm që të mos bëjnë gafa diplomatike, sidomos ofendime, sidomos ofendime, sepse republikanet i takojnë asaj kategorie konservatore dhe ata preken më shumë dhe i marrin personale”, ka thënë Smakiqi. /Gazeta 10/