Pioli pranon se Milani nuk priste të fitonte titullin e Serie A për sezonin 2021-22.

Trajneri italian dha një intervistë të gjatë për Sport Mediaset, e cila do të transmetohet e plotë më 29 dhjetor.

“Natyrisht, ne e arritëm këtë objektiv prestigjioz përpara se të mendonim, sepse klubi donte të investonte në lojtarë të rinj, kështu që ne prisnim ta fitonim pak më vonë”, tha Pioli.

“Nga ana tjetër, ne ia dolëm ta bëjmë këtë menjëherë dhe qartë, viti 2022 ishte një vit plot kënaqësi për të gjithë ne”.

Kuqezinjtë fituan titullin e tyre të parë në Serie A në 11 vjet sezonin e kaluar, duke përfunduar dy pikë mbi rivalin Inter.

Tani ata janë tetë pikë prapa liderit Napoli, skuadra e vetme e pamposhtur.

“Ne duhet të mendojmë se mund të fitojmë titullin, absolutisht. Nëse Napoli vazhdon kështu, ata do të fitojnë më shumë se 100 pikë, ndaj duhet t’i përgëzojmë”, tha Pioli.

“Tani për tani, duhet të mendojmë vetëm për të fituar shumë pikë. Vitin e kaluar na duheshin 86, këtë sezon mund të jenë më shumë”.

“Ka ende 69 në dispozicion, është shumë dhe ne duhet të besojmë se mund t’ia dalim”.

Milani rifillon sezonin më 4 janar kundër Salernitana në “Stadio Arechi”, ndërsa Napoli i shkon Interit në “Stadio Meazza”.

Janari do të jetë një muaj shumë i ngarkuar për kuqezinjtë, të cilët gjithashtu do të bëjnë debutimin e tyre sezonal në Coppa Italia dhe do të përballen me Interin në ndeshjen e Superkupës më 18 janar.

Komento:

	Komenti