Unë fola me Presidentin e Serbisë për tensionet e fundit në Veri të Kosovës dhe rëndësinë e vazhdueshme të misionit paqeruajtës të KFOR-it, i cili garanton një mjedis paqësor dhe ne do të vazhdojmë ta bëjmë këtë brenda mandatit të OKB-së, tha Sekretari i Përgjithshëm i NATO-s, Jens Stoltenberg. pas takimit me presidentin serb Aleksandar Vuçiq, transmeton FrontOnline.

Sipas tij, disa nga pjesëtarët e KFOR-it u mbijetuan sulmeve.

Siç tha ai, kjo nuk mund të lejohet dhe ata që e kanë bërë duhet të dalin para drejtësisë.

E mirëpresim faktin që Serbia është e gatshme të bashkëpunojë në këtë. Pas incidentit të shtatorit kemi shtuar praninë tonë dhe kjo tregon se jemi gati të ruajmë paqen. Unë pres që të dyja palët të përmbahen nga përshkallëzimi i procedurave. I thashë presidentit Vuçiq se grumbullimi i ushtrisë serbe pranë vijës kufitare nuk do të ndihmonte. Unë e mbështes formimin e Asociacionit, sepse do të ishte çelësi i normalizimit të marrëdhënieve dhe i bëj thirrje Beogradit dhe Prishtinës që të përfshihen sepse kjo është e vetmja rrugë për paqe dhe stabilitet – tha Stoltenberg, transmeton FrontOnline.

Ai kujtoi punën e përbashkët të NATO-s dhe Serbisë në Programin për Paqe dhe në programe të tjera të shumta./FrontOnline/