Studentët ‘pushtojnë’ Tiranën, dridhët Qeveria Rama – Ora Info Ballina | ORAinfo.com - Nuk ndalet

Studentët ‘pushtojnë’ Tiranën, dridhët Qeveria Rama

12:58 | 11 Dhjetor 2018

Protesta e studentëve po vazhdon në kryeqytetin e Shqipërisë.

Që prej orës 10:00 të paradites protestës së studentëve në Tiranë i është bashkuar e gjithë rinia në Shqipëri, përfshi këtu dhe qytetarët e kryeqytetit, të cilët kanë qenë të shumtë që kanë ardhur për t’u bashkuar me të rinjtë.

Mijëra njerëz janë mbledhur në ditën e 7 të protestës, ditë e cila shënon dhe një pikë kulmore pasi ultimatumi i studentëve ka qenë i qartë, nëse kërkesat e tyre nuk do të plotësohen, atëherë qeveria do të përballet me një tjetër dimension të protestimit, grevën e urisë.

Të pyetur nga media, të rinjtë janë shprehur se gjithçka do të vendoset sot dhe se të shumtë janë ata të rinj që do të hyjnë në grevë urie, nëse vendoset që ky do të jetë hapi i radhës.

Protestës i janë bashkuar dhe shumë qytetarë të Tiranës, duke ju përgjigjur kësisoj thirrje së të rinjve që të gjithë shqiptarët të vijnë për të protestuar për bijtë dhe bijat e tyre, për të rinjtë. Ndërkohë në protestën masive kanë ardhur gjithashtu qindra nxënës në gjimnazeve të Tiranës.

Komento: