Dy studime kanë nxjerrë në pah disa lajme të mira dhe disa të këqija për trajtimet koronavirusit.

Dy raporte të reja të trajtimit të coronavirusit po ofrojnë njohuri të reja mbi ilaçet eksperimentale që po provohen të trajtojnë Covid-19.

E para siguron baza për një optimizëm të kujdesshëm në lidhje me ilaçin eksperimental Remdesivir të Gilead Science, ndërsa i dyti shtron pyetje në lidhje me sigurinë e Hydroxychloroquine, ilaçi që presidenti amerikan Donald Trump e ka “promovuar” si një ilaç të mundshëm për Covid-19.

Në këtë drejtim, Vox.com tregon se çfarë studimet gjetën dhe ato që mund të na tregojnë për trajtimet e ardhshme për sëmundjen vdekjeprurëse.

Remdesivir

Sipas shkrimit të Vox.com, përcjell Telegrafi, ndërmarrja Gilead Sciences publikoi një analizë në Neë England Journal of Medicine të premten duke ndjekur përgjigjet e 53 pacientëve me raste të rënda të Covid-19 për terapinë e Remdesivir që iu dha pacientëve sepse nuk kishte mundësi të tjera.

Sipas raportit, mjekët vëzhguan përmirësim klinik në 36 nga 53 pacientët; tetë u përkeqësuan, dhe shtatë vdiqën.

Si rezultat, mjekët ishin në gjendje të largojnë 17 nga 30 pacientët që ishin në ventilatorë, pajisje ndihmëse për jetën që ndihmojnë njerëzit të marrin frymë, jashtë makinerive.

Autorët e studimit vërejnë se niveli i vdekjes së pacientëve që ata vëzhguan – 13 për qind – është më i ulët se niveli i vdekjes nga 17 në 78 për qind në Kinë mes njerëzve që janë të sëmurë rëndë me Covid-19. Efektet anësore përfshijnë diarre, skuqje, dëmtim të veshkave dhe hipotension.

Megjithatë, ekzistojnë kufizime të mëdha se çfarë përfundimesh mund të nxirren nga kjo analizë.

Kjo pasi që, siç thuhet në shkrim, nuk kishte asnjë grup kontrolli të rastit, i cili do të lejonte autorët të krahasonin se si pacientëve që u jepej placebo në lidhje me ato të dhëna të Remdesivir.

Dhe numri i përgjithshëm i pacientëve, i përhapur në të gjithë Shtetet e Bashkuara, Kanada, Evropë dhe Japoni, është shumë i vogël.

Megjithatë, autorët e studimit dhe ekspertët e jashtëm kanë përshkruar rezultatet si arsye për të pasur shpresë.

“Ne nuk mund të nxjerrim konkluzione përfundimtare nga këto të dhëna, por vëzhgimet nga ky grup pacientësh të shtruar në spital që morën Remdesivir janë shpresëplotë”, thotë Jonathan Grein, autori kryesor i analizës dhe drejtori i epidemiologjisë spitalore në Qendrën Mjekësore Cedars-Sinai në Los Angeles, në një deklaratë nga Gilead. “Ne mezi presim rezultatet e provave klinike të kontrolluara për t’i vërtetuar këto gjetje”.

“Rezultatet janë me të vërtetë shpresëdhënëse dhe premtuese nga ky studim i pakontrolluar i ndërhyrjes me Remdesivir”, ka shkruar në Tëitter Eric Feigl-Ding, një epidemiolog dhe ekonomist shëndetësor në Shkollën e Shëndetit Publik të Harvard T. H. Chan. “Teste, teste, teste ju lutem”, citohet të ketë shtuar ai.

Paul Goepfert, një specialist i sëmundjes infektive në Universitetin e Alabama në Birmingham, i tha Ëashington Post se “ai është akoma një ilaç premtues, por nuk vërteton përfundimisht asgjë”. Ai shtoi, “gjëja kryesore që mund të mbledhësh nga ky studim është se nuk shkakton ndonjë dëm”.

Ndërsa Daniel O’Day, kryetari dhe CEO i Gilead, tha që shumë studime janë të nevojshme për të kuptuar nëse dhe si Remdesivir mund të trajtojë Covid-19.

“Në studimin e Remdesivir, çështja nuk është vetëm nëse është i sigurt dhe efektiv kundër COVID-19, por në cilin pacient tregon aktivitet, për sa kohë duhet të marrin trajtimin dhe në cilën fazë të sëmundjes së tyre do të ishte më i dobishëm trajtimi”, tha ai në një letër të hapur duke diskutuar raportin e ri të premten.

Sipas tij, “shumë përgjigje janë të nevojshme, kjo është arsyeja pse ne kemi nevojë për lloje të shumta studimesh që përfshijnë shumë lloje të pacientëve”.

Hydroxychloroquine

Në një shënim më pak optimist, agjencia e Francës për sigurimin e ilaçeve ka lëshuar të dhëna që tregojnë se Hydroxychloroquine, ilaçi kundër malaries që Trump ka shtyrë si një ilaç të mrekullueshëm të mundshëm për trajtimin e COVID-19, duket se ka efekte anësore serioze në zemër kur përdoret nga pacientët me COVID-19, dhe duhet të përdoret nën mbikëqyrjen mjekësore.

Raporti detajon 43 raste të “incidenteve në zemër” të lidhura me Hydroxychloroquine, shkruan Vox.com, përcjell Telegrafi.

“Ky vlerësim fillestar tregon se rreziqet, veçanërisht kardiovaskulare, të lidhura me këto trajtime janë shumë të pranishme dhe potencialisht të rritura në pacientët me COVID-19. Pothuajse të gjitha deklaratat vijnë nga institucionet shëndetësore”, tha agjencia, sipas Hill. “Këto ilaçe duhet të përdoren vetëm në spitale, nën mbikëqyrjen e ngushtë mjekësore”.

Raporti nuk ofron prova përfundimtare se sa i sigurt është përdorimi i Hydroxychloroquine, por nënvizon se sa e rrezikshme është për jo-ekspertët – siç është presidenti Trump – që ta entuziazmojnë atë si një kurë premtuese kur nuk ka prova përfundimtare se funksionon ose është i sigurt për t’u përdorur.

Trump e ka inkurajuar publikun që ta përdorë atë, megjithëse vetëm me miratimin e një mjeku, në kombinim me Azitromicinën – duke shtuar se “nuk ke se çfarë humbet”.

Por shkencëtarët dhe profesionistët e mjekësisë kanë paralajmëruar rreth kësaj.

Kjo është pjesërisht ashtu sepse, siç ka raportuar Nicole Narea e Vox, ilaçi ka efekte serioze anësore, dhe përfitimet e tij për pacientët COVID-19 nuk janë provuar ende.

Gjithashtu, sipas shkrimit të Vox.com, klinikistët kanë ditur për dekada që ilaçi mbart efekte anësore të psikikës dhe mund të shkaktojë gjithashtu komplikime vdekjeprurëse të zemrës.

Vetëm studimet klinike mund të sqarojnë se kush do të përfitonte dhe kush do të rrezikonte shumë.

Rekomandimi i ilaçit tani është “lloj i një mase të fundit për ata me sëmundje të rëndë”, ka thënë Joshua Michaud, drejtori i asociuar për politikën globale të shëndetit në Fondacionin e Familjes Kaiser, për Vox, duke shtuar më vonë: “Unë do të shqetësohesha më shumë për të pasur një numër të madh njerëzish, përfshirë ata pa simptoma ose vetëm simptoma të buta, duke marrë këtë ilaç për shkak të rrezikut të efekteve anësore negative dhe përfitimeve të paqarta në këtë pikë”.

Dhe në fund, siç thuhet në shkrim, ende nuk ka ndonjë trajtim të provuar klinikisht që funksionon posaçërisht kundër Covid-19.

Megjithatë, sado agonizuese që duket pritja gjatë një pandemie globale që vret ekonominë, duhet të bëhen më shumë hulumtime për të gjetur përgjigjet më të sakta.

Komento:

	Komenti