Europa po përballet me kaos moti. Stuhitë e dhunshme dhe përmbytjet e papritura në Spanjë dhe Francë kanë shkaktuar viktima dhe dëme të shumta. Në të njëjtën kohë, Zvicra po pret borë të madhe dhe kushte të rrezikshme në malet e saj.

Obergesteln, në kantonin Valais, u zgjua të hënën nën një shtresë të trashë bore. Meteorologët parashikojnë deri në një metër borë gjatë kësaj jave, ndërsa erërat e forta rrisin rrezikun e lavinave në Valais, në anët veriore të Alpeve dhe në Graubünden.

“Kjo javë do të jetë e stuhishme deri të enjten,” thotë Klaus Marquardt nga Meteo News. “Ndoshta dielli do të shfaqet për pak, por kryesisht do të ketë stuhi dhe reshje të dendura bore në male.”

Një incident i parë u regjistrua të hënën në mëngjes: një tren në Goppenstein u rrëzua për shkak të një lavine, dhe ekipet e shpëtimit presin disa të lënduar.

Megjithatë, për qendrat e skijimit, reshjet e borës janë një bekim pas një janari të pazakontë dhe të thatë, duke mundësuar kushte më të mira për pistat dhe një sezon më të gjatë, veçanërisht në Alpet perëndimore dhe qendrore.

Shkaku i këtyre motit ekstrem janë sistemet e reja stuhore që formohen mbi Atlantik dhe pastaj lëvizin drejt Evropës, duke sjellë stuhitë, përmbytjet dhe borën e dendur që po përjeton kontinenti./Albinfo.ch