Personi i cili ka sulmuar gazetarin Vullnet Krasniqi dhe kameramanin Arbër Latifi është arrestuar.
Krasniqi dhe Latifi u sulmuan gjatë protestës kundër festivalit “DokuFest” në Prizren ku po raportonin nga vendi i ngjarjes.
Zëdhënësi i Policisë së Kosovës për Rajonin e Prizrenit, Shaqir Bytyqi, ka treguar për se personi që sulmoi gazetarët është arrestuar, dhe po intervistohet.
“Lidhur me sulmin në fjalë, një person është identifikuar dhe është duke u intervistuar në polici”, ka thënë Bytyqi.
Ndërkohë sulmi u dënua edhe nga Asociacioni i Gazetarëve të Kosovës, të cilët e quajtën të papranueshëm, dhe rrezik ndaj sigurisë së gazetarëve.