Sulmohet me mjet të mprehtë një person në Urën e Ibrit – Ora Info Ballina | ORAinfo.com - Nuk ndalet

Sulmohet me mjet të mprehtë një person në Urën e Ibrit

19:55 | 01 Shtator 2019

Sulmohet një serb në urën e Ibrit në Mitrovicë.

Para disa orëve është therur me mjet të mprehtë një person i ri i nacionalitetit serb në urën kryesore të Mitrovicës.

Express ka mësuar nga burimet e saj se i riu është dërguar në spitalin e veriut të Mitrovicës.

I riu është D.Bojkoviq.

Kurse sipas portalit serb KoSSev, i riu ishte pjesë e një grupi serb që ishin konfrontuar verbalisht me disa të rinjë shqiptarë. Të rinjtë ishin përplasur mes vete në anën e majtë të urës. Personat e tjerë të përfshirë në këtë incident janë në stacionin policor duke dhënë deklarata rreth rastit.

Gazeta ka kontaktuar me Stacionin e Policisë së Kosovës në Mitrovicë, por ata kanë thënë se nuk kanë ndonjë informacion për këtë rast.

Sipas tyre deri më tash nuk kanë marrë informatë as zyrtare e as jo zyrtare për këtë rast.

Komento: