Mesfushori i Brest-it, Romain Faivre, foli për Gazzetta dello Sport për interesimin e Milanit për të, i cili daton që nga vera.

Kalimi i ish-mesfushorit të Monacos te kuqezinjtë dështoi në gusht, por 23-vjeçari mbetet i sigurt për një lëvizje në të ardhmen e afërt drejtë Milanit ,përcjell ORAinfo.

“Kur Maldini, një legjendë, të thërret, ndihesh i vlerësuar dhe dëshiron të bësh gjithçka që mundesh për të shkuar në Milano. Më bën shumë të lumtur [të jem subjekt i interesit të Milanit], duke e ditur që karriera ime filloi me të vërtetë vetëm sezonin e kaluar”.

“Jam i bindur se për të imponuar veten në një ekip si Milani, duhet të përgatitesh paraprakisht. Për shkak të kësaj, kam seanca me një trajner personal tre herë në javë dhe një nutricionist për të ngrënë shëndetshëm – por nuk jam unë ai që gatuaj. Më në fund, kam një trajner mendor që të mësoj të menaxhoj emocionet dhe presionin që është tipik për një klub të madh si Milani”.

“Unë e njoh [Fodé] Ballo-Touré nga koha jonë në Monaco së bashku. Ai më thotë se Milani është një klub i madh, me ambicie të mëdha, mbështetës fantastikë. Unë jam edhe ambicioz. Në përgjithësi, gjithçka është në vend që të funksionojë.”, ka thënë ylli i Brest./ORAinfo/

Komento:

	Komenti