Kryetari i Kryeqytetit, Përparim Rama do të zhvillojë të enjten një vizitë zyrtare me këngëtaren e mirënjohur Dafina Zeqiri, në shenjë vlerësimi për kontributin e saj të vazhdueshëm në muzikë dhe kulturë.

Sipas njoftimit, në kuadër të kësaj vizite, kryetari Rama do t’i dhurojë Dafina Zeqirit veprën simbolike “Hyjnesha në Fron”, si akt nderimi dhe mirënjohjeje institucionale për ndikimin e saj artistik dhe përfaqësimin dinjitoz të kulturës shqiptare.

Pas ceremonisë së dhurimit, do të mbahet një konferencë për media në sallën e konferencave. Komuna e Prishtinës, njofton se konferenca mbahet prej orës 11:00 në objektin e komunës./Kosovapress/