Me ftesë të kryetarit të Kuvendit të Kosovës, Kadri Veseli sot do të mbahet një takim ku do të marrin pjesë kryeministri Ramush Haradinaj dhe ambasadori amerikan, Philipp Kosnett.

Në këtë takim pritet të diskutohet rreth taksës 100% ndaj Serbisë dhe Bosnje Hercegovinës.

Kryetari i Kuvendit të Kosovës, Kadri Veseli, kryeministri, Ramush Haradinaj dhe ambasadori i SHBA-ve në Kosovë, Philip Kosnett sot po zhvillojnë një takim për të diskutuar lidhur me zhvillimet e fundit në vend.
Takimi ka nisur në orën 12:00, ndërsa temë kryesore e këtij takimi do të jetë taksa 100 për qind e vendosur ndaj produkteve serbe dhe atyre boshnjake, raporton lajmi.

Momentalisht mediat nuk po lejohen të kenë qasje në këtë takim dhe kanë mbetur jashtë objektit të Kuvendit.

Ndërkohë, lajmi.net raportoi se Veseli ka qëndrim të qartë lidhur më këtë çështje dhe sipas tij taksa nuk ndryshon pa lëvizur Serbia.

Njëjtë ka deklaruar vazhdimisht edhe kryeministri, Haradinaj. Ai ka thënë se pa e njohur Serbia pavarësinë e vendit tonë, taksa nuk do të hiqet.

Ambasadori i SHBA-vë, Philip Kosnett ka kërkuar që vendimi për tarifat të ndryshojë pasi sipas tij, Kosova nuk përfiton asgjë nga ky vendim.

Komento:

	Komenti