Shpend Ahmeti kërkon që të merret një vendim për taksën.

Kryetari i PSD-së, Shpend Ahmeti ka deklaruar edhe një herë se çështja e taksës së vendosur nga Kosova për Serbinë duhet të diskutohet.

Ahmeti ka thënë se nëse merret ndonjë vendim për taksën duhet të jetë i përbashkët
Për çështjen e taksës Ahmeti konsideron që gjëja më e keqe do të ishte të lëshojmë pe pas një jave apo dy jave.

Më mirë sipas tij do të ishte që nëse vendoset pezullimi i saj, të deklarohet se kemi vendosur të gjithë së bashku, e Serbia i ka 90 ditë për arritjen e marrëveshjes, e në rast të dështimit rikthehet taksa automatikisht, e kjo do të ndodhë edhe nëse ju vendosni veç edhe një kusht më tepër.

Kryetari i Partisë Socialdemokrate deklaroi se është koha përfundimisht që të gjithë të ulen bashkë, përfshi edhe subjektet opozitare, dhe të merret një vendim për taksën, pasi askush nuk dëshiron ta marrë përgjegjësinë, të dalë të kërkojë heqjen e taksës, e pastaj ai faj t’i mbetet personit që ka kërkuar këtë.

Komento:

	Komenti