Qytetarët veç se kanë nisur të mendojnë se si do të ngrohen në sezonin e dimrit.

Që nga ky sezon dimëror, qytetarët do të paguajnë faturën e ngrohjes varësisht nga konsumi, e jo nga metrat katrorë të hapësirës, e cila ngrohet.

Deri më tani, mbi dymijë prishtinas kanë hapur dyert e banesave të tyre për instalimin e pajisjeve në radiatorët e kyçjes me ngrohtoren e “Termokos”-it.

Banorët e lagjes “Dardania”, kanë mirëpritur këtë projekt. Specialistja për energji në Koorporatën e Sfidave të Mijëvjeçarit, Drita Desku ka treguar detaje të këtij projekti dhe rëndësinë e instalimit të këtyre pajisjeve në radiator.

Sipas drejtorit ekzekutiv të Fondacionit të Mileniumit të Kosovës, Petrit Selimi kjo do t’iu mundësojë prishtinasve që të masin shpenzimet e tyre dhe të paguajnë aq sa konsumojnë.

Ky është projekti i parë në vlerë të mbi nëntë milionë eurove, i cili mundëson rregullimin vetanak të temperaturave të ngrohjes së objekteve të banimit

Komento:

	Komenti