Të dënuarit nuk do të lirohen për shkak të situatës më koronavirus.

Të dënuarit që kanë shpresuar që mund të lirohen në shtëpi shkaku i pandemisë nuk do të mund të dalin nga aty.

Asnjë i dënuar nuk është prekur nga koronavirusi. Pavarësisht këtij fakti Ministrisë së Drejtësisë i është kërkuar të lirojë në shtëpi përkohësisht persona me sëmundje kronike, gratë, të miturit dhe ata që kanë ndëshkime më të lehta.

Meqë një gjë të tillë nuk e lejon ligji, Ministrja e Drejtësisë Albulena Haxhiu iu drejtua Komisionit Parlamentar për Legjislacion.

Përgjigja që mori ishte negative.

Këto refuzime për t’i liruar të burgosurit po cilësohen si shkelje nga Komisioni për Mbrojtjen e të Drejtave dhe Lirive të Njeriut që e bëri kërkesën te ministrja.

U refuzua edhe përpjekja që lirimi i një kategorie të ndaluar të bëhet nëpërmjet gjyqësorit.

Anëtari i Komisionit për Legjislacion Abelard Tahiri se në letrën e dërguar deputetëve Ministrja nuk dha propozimin për plotësim ndryshim të ligjit për ekzekutimin e sanksioneve penale.

Sipas tij edhe po të bëhet kjo, Kuvendi zor se do të mund të vendoste për shkak të pandemisë.

Disa vende të botës si Italia, Turqia e Irani kanë liruar përkohësisht mijëra të ndaluar.

Komento:

	Komenti