Një person është plagosur në këmbë pas të shtënave me armë zjarri në Drenas.

Sipas njoftimit të Policisë, rasti ka ndodhur më 13 tetor rreth orës 19:00, kur viktima kishte kërkuar ndihmë mjekësore në QKMF Drenas, pasi dyshohet se është qëlluar nga një person i panjohur.

Në vendin e ngjarjes kanë dalë njësitë përkatëse policore, ndërsa me urdhër të prokurorit janë nisur hetimet për rastin.

Viktima është dërguar më pas në QKUK për trajtim të mëtejmë mjekësor.