Telekomi i Kosovës rikthen besimin e bizneseve – Ora Info Ballina | ORAinfo.com - Nuk ndalet
Lajmet e fundit
0 °C

Telekomi i Kosovës rikthen besimin e bizneseve

14:57 | 14 Mars 2019

Telekomi i Kosovës është duke u rikthyer fuqishëm në tregun e telekomunikimeve, çdo ditë e më shumë.
Besimi që konsumatorët tanë të dikurshëm janë duke treguar për Telekomin e Kosovës është motiv për përmirësimin e mëtejmë të ofertave të shumta.

Si rezultat i shërbimeve cilësore, ditëve të fundit janë rikthyer një numër i madh i bizneseve vendore.

Për me tepër, korporata ka përshpejtuar realizimin e kërkesave të bizneseve për shërbimet dhe produktet e shumta, në kohë rekorde.

Gjatë ditës së sotme, Telekomi i Kosovës ka nënshkruar kontrata bashkëpunimi me dy biznese shumë kredibile në sferën e veprimtarisë së tyre.

Demir Limaj, Drejtor i Shitjes në Telekomin e Kosovës ka shprehur vullnetin e tij dhe gjithë menaxhmentit, për një kompani të orientuar tërësisht drejt konsumatorit.

“Është jashtëzakonisht e rëndësishme që të rikthejmë dhe të shtojmë konsumatorët e rinj në familjen tonë të madhe, dhe ky rikthim i besimit në Telekomin e Kosovës dëshmon se ne vazhdojmë të jemi lider i pamohueshëm në ofrimin e shërbimeve për të gjithë konsumatorët tanë”, ka pohuar z. Limaj.

Në anën tjetër, bizneset e rikthyera sot në Telekomin e Kosovës kanë shprehur besimin e plotë në korporatën tonë.

Drilon Brahimi nga kompania vendore “Monting SHPK” ka shprehur besimin e plotë se kontrata e nënshkruar sot është vetëm fillimi i një bashkëpunimi edhe me të madh me Telekomin e Kosovës, që vjen si rezultat i cilësisë së shërbimeve të ofruara nga kjo korporatë.

Një tjetër biznes kredibil në fushën e vet “American Clinic”, gjithashtu ia ka besuar tërë komunikimin Telekomit të Kosovës. Drejtori i kësaj klinike, Armend Vokshi ka theksuar se kujdesi dhe shërbimet e Telekomit e kanë bindur që t’i bashkohet korporatës tonë.

Telekomi i Kosovës në vazhdimësi është duke punuar në rikthimin sa më të fuqishëm në treg, duke ofruar shërbimet më të mira në vend.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!