Tentimi i radhës i Veselit për t’i bërë bashkë pozitën dhe opozitën rreth dialogut – Ora Info Ballina | ORAinfo.com - Nuk ndalet

Tentimi i radhës i Veselit për t’i bërë bashkë pozitën dhe opozitën rreth dialogut

08:29 | 14 Janar 2019

Dialogu mes Kosovës dhe Serbisë ka hyrë në fazën finale.

Kryetari i Kuvendit të Republikës së Kosovës, Kadri Veseli, ka ftuar për sot në një takim të përbashkët presidentin, kryeministrin, ekipin negociator, si dhe përfaqësuesit e grupeve parlamentare nga partitë opozitare ende të pa përfaqësuara në ekipin negociator, LDK dhe VV, për t’u koordinuar për procesin e dialogut me Serbinë.

Ky takim i kryeparlamentarit Veseli ishte paralajmëruar nga takimi i parë koordinues që e ka ftuar me ekipin negociator në fund të muajit dhjetor.

Veseli pati thënë se para dhe pas çdo takimi të palës kosovare në Bruksel, do t’i ftojë të gjithë akterët politikë nga pozita dhe opozita për t’u koordinuar për fazën finale të dialogut.

Kurse takim i sotëm është paralajmëruar të nis në ora 11:00.

Komento: