Ish-zëvendësministri i Arsimit, Jusuf Thaçi, ka bërë me dije se rektori i universitetit të Prishtinës, Naser Sahiti, nuk do të mund të shkarkohej pa të deleguarit e MASHTI-it në Këshill Drejtues të UP-së.
Thaçi, i cili është edhe njohës i mirë arsimit në Kosovës, ka fajësuar LV-në për këtë shkarkim.
Sipas tij, me këtë veprim LV-ja ka treguar se i intereson që UP-ja me qenë e saj, përcjell nacional.
Postimi i plotë i Thaçit:
Çka na tregon shkarkimi i Rektorit të UP-së?
Këshilli Drejtues (KD) i Universitetit të Prishtinës (UP) përbëhet nga 9 anëtarë, prej të cilëve 5 të përzgjedhur nga Senati i UP-së dhe 4 të deleguar nga MASHTI.
Shkarkimi i Rektorit të UP-së me 8 vota pro, pra me kaq konsensus të lartë të KD-së, mund të tregojë vetëm njërën nga këto dy gjëra:
1. Rektori ka qenë skandaloz në menaxhim të UP-së dhe si rezultat i këtij keq-menaxhimi është rritur presioni publik për shkarkimin e tij, ose
2. Grupet e interesit të lidhura me pushtetin dhe grupet e interesit brenda UP-së janë unifikuar për të çuar përpara interesat e tyre në dëm të interesit, integritetit, autonomisë, stabilitetit dhe cilësisë së UP-së.
Meqë opsioni i parë nuk është i vërtetë, sepse nuk kemi parë skandale të rektorit dhe organizatat që e monitorojnë UP-në kanë konstatuar punën e mirë të tij, atëherë opsioni i dytë del të jetë i vërtetë. Sigurisht e vërtetë e hidhur!
Me këtë veprim të shkarkimit të rektorit, i cili nuk do të mund të ndodhte pa të deleguarit e MASHTI-t në KD të UP-së (pra nuk do të ndodhte pa miratimin e ministrisë/qeverisë), Lëvizja Vetëvendosje foli qartë: “Nuk po na intereson që UP-ja me qenë e mirë, po na intereson që UP-ja me qenë e jona!”.
Pra, saktësisht e njëjta qasje ndaj UP-së që e kanë pasur të gjitha partitë tjera politike që kanë qeverisur në Kosovë që nga paslufta.
Bravo LVV!
Po me rektorin ç’patën!?
1 °C
