Cristiano Ronaldo nuk do të luajë në ndeshjen mes Juventusit dhe Genoas.

Disa përkrahës të Juventusit e madje edhe të Genoas kanë kërkuar t’iu kthehen paratë e shpenzuara për blerjen e biletave për këtë ndeshje, pasi Cristiano Ronaldo nuk u ftua për këtë takim.

Ndeshja mes Genoas dhe Juventusit, e vlefshme për Serie A, ka filluar në orën 12:30.

Massimiliano Allegri njoftoi dje se Ronaldo do të pushonte, duke mos udhëtuar fare drejt Marassi pas het-trikut në Ligën e Kampionëve kundër Atletico Madridit.

Sipas Corriere della Sera, kjo ka bërë që tifozë të shumtë t’i telefonojnë zyrës së biletave në Genoa duke kërkuar t’iu rikthehen paratë.

Madje, jo të gjithë të ankuarit ishin tifozë të Juventusit, pasi kishte edhe të Genoas që kishin blerë bileta për këtë ndeshje vetëm për ta parë pesë herë fituesin e Topit të Artë.

Komento:

	Komenti