Trajneri i Lyon tregon se si e ndalën Cristiano Ronaldon – Ora Info Ballina | ORAinfo.com - Nuk ndalet

Trajneri i Lyon tregon se si e ndalën Cristiano Ronaldon

13:02 | 27 Shkurt 2020

Trajneri i Lyon ka treguar se si e kanë ndalur Cristiano Ronaldon.

Trajneri i skuadrës së Lyon, Rudi Garcia, ka ironizuar me Cristiano Ronaldon pas fitores së mbrëmshme që skuadra e tij e arriti kundër Juventusit, në kuadër të Ligës së Kampionëve.

Francezët fituan me rezultat të ngushtë, 1:0, me golin e shënuar nga Lucas Tousart.

Ish-trajneri i Romës u shfaq në disponim pas përballjes, kësisoj as batutat e lëshuara prej tij nuk munguan.

I pyetur për mënyrën se si arritën ta administronin rezultatin, dhe mbi të gjitha se si ia kishin bërë ta ndalnin yllin portugez, ai u përgjigj me tallje për portugezin.

“E di si ndalet Ronaldo. Iu tregova lojtarëve të mi që të mos shkaktojnë faul në zonë dhe kjo mendoj se mjafton”, u shpreh 60-vjeçari, transmeton lajmi.net.

Ronaldo u ndal së shënuari në ndeshjen e mbrëmshme pas 12 ndeshjeve të njëpasnjëshme në të cilat kontribuoi me të paktën një gol.

Ndeshja e radhës do të luhet në ‘Allianz Stadium’, ku ‘Zonja e Vjetër’ do të tentojë të përmbysë rezultatin e sfidës së parë.

Komento: