Zlatan Ibrahimoviq nuk pritet të t’i bashkohet klubit Italian, Monza.

Monza nuk do të nënshkruaj me Zlatan Ibrahimoviqin për edicionin e ardhshëm. Këtë e ka bërë të ditur Adriano Galliani, president i klubit italian.

Ibrahimoviq është pjesë e Milanit, por ka pasur raportime për kalimin e tij në klubin nga Lombardia, që është promovuar në Serie B. Silvio Berlusconi, ish-pronari i Milanit, është njeriu kryesor te Monza.

Me ish-shefin ekzekutiv të Milanit, Galliani, po ashtu te Monza, ka pasur sugjerime se Monza mund të firmos me Ibrahimoviqin dhe po ashtu me brazilianin Kaka.

Por Galliani ka bërë të qartë se transferimi i Ibrahimoviqit nuk do të ndodhë.

“Buxheti ynë do të shfrytëzohet për promovim në Serie A. Nuk do të bëjmë shpenzime të pamenduara, do të bëjmë atë që është e nevojshme”, ka thënë Galliani.

Komento:

	Komenti