Zëdhënësi i Lidhjes Demokratike të Kosovës (LDK), Besian Mustafa, ka mbajtur një konference për media nga selia e kësaj partie, duke falënderuar qytetarët e Kosovës që po i bashkohen vizionit të djathtë të LDK-së.

Mustafa shprehu optimizëm për ndryshim në vend pas katër viteve të, siç u cilësua nga ai, stagnimit dhe izolimit.

Zëdhënësi i kësaj partie bëri të ditur se kandidati për kryeministër i Lidhjes Demokratike, Lumir Abdixhiku, realizoi një vizitë në Kompleksin Memorial në Reçak, ku nderoi 45 civilët shqiptarë të masakruar nga forcat policore dhe ushtarake serbe.

Pas homazheve në Reçak, Abdixhiku, së bashku me kryetarin e Lipjanit Imri Ahmeti, do të vizitojnë ndërmarrjen Liga Steel “për të ritheksuar fokusin e LDK-së në zhvillimin ekonomik.”

Pasdite dhe në mbrëmje, Mustfa njoftoi se Abdixhiku do të zhvillojë disa tubime zgjedhore takime me qytetarë. Tubimet zgjedhore do të mbahen në Klinë, te Shtëpia e Kulturës “Jehona e Dukagjinit”, dhe në Bregun e Diellit, shkolla fillore “Ismail Qemali”.

Komento:

	Komenti