Osmani ripublikon sloganin, e shoqëron me poezi.
Kryetarja e Kuvendit të Kosovës, njëherit ushtruese e detyrës së presidentit, ka ripublikuar sonte logon e iniciativës së saj politike, e cila ka sloganin “guxo”.
Bashkë me fotografinë e logos së saj, Vjosa Osmani ka publikuar edhe një poezi të poetit Ndre Mjedës, shkruan lajmi.net.
Sidoqoftë, ndaj Osmanit ka pasur akuza se logon dhe sloganin e ka vjedhur nga ata të mëhershmit të cilët i ka pasur Partia Demokratike e Kosovës.
Poezia e postuar nga Vjosa Osmani:
‘Tuj u tall’ e tuj pritue
Kurrgjasend nuk qitet n’dritë
Çfarëdo sendi me fitue
Trimni lypet e guxim’.