Kombëtarja e Shqipërsië është bërë me trajner të ri.

Edi Reja do të jetë pasuesi i Panuçit në stolin e Kombëtares, me Armand Dukën i cili do të bëjë prezantimin e italianit të mërkurën në orën 15:00.

Si gjithnjë detajet bëjnë diferencën, aq më tepër në një tratativë të tillë, e cila ka nisur fill pas humbjes kundër Turqisë. Të bindje Edi Rejan nuk ishte aspak e lehtë, aq më tepër që tekniku 73-vjeçar kishte 3 vite që nuk pranonte asnjë ofertë.

Në karrierën e tij të pasur, Reja nuk kishte drejtuar kurrë më parë një përfaqësuese, gjithashtu ky ishte një detaj të cilin Reja e vlerësoi shumë, të nisje një aventurë të re në këtë pikë të karrierës së tij nuk ishte e lehtë. Ajo që të bën përshtypje në këto negociata ka të bëjë me ofertën e parë të FSHF-ës.

Armand Duka i ofroi ish-trajnerit të Napolit, Lacios etj, një kontratë 2-vjeçare por Reja e refuzoi këtë duke pranuar të jetë në “provë” deri fund të këtij viti, një periudhë e mjaftueshme që të dyja palët të kuptojnë nëse do të vazhdojnë edhe më tej.

Komento:

	Komenti