Keni bërë plane për ditët e ardhshmë!?

Së pari bëni mirë të shihni se ҫfarë moti do të ketë në vendin tonë.

Instituti Hidrometeorologjik i Kosovës ka publikuar parashikimin e motit për të premten e të shtunën.

Temperaturave të larta që mbizotëruan mbi vendin tonë këtyre ditëve, po ju vjen fundi, njofton IHMK.

Kjo si pasojë e fuqizimit të masave ajrore me origjinë nga veriperëndimi i Kontinentit dhe vranësirave të dendura dhe jostabile të cilat do të shfaqen ditën e premte, për të vazhduar edhe gjatë vikendit.

Rrezet e diellit të cilat do të shfaqen në orët e hershme, gjatë ditës do të mbulohen nga vranësirat e dendura të cilat fillimisht do të shoqërohen me reshje shiu, e me rënien e temperaturave, reshjet e shiut në shumë territore do të transferohen në formë dëbore.

Temperaturat minimale do të lëvizin ndërmjet 0 deri 2 gradë Celsius, ndërsa maksimalet e ditës parashihen të lëvizin ndërmjet 6-8 gradë Celsius.

Shtypja ajrore edhe pse do të ketë rënie, sërish mbetet mbi vlerat e normales.

Do të fryjë erë nga drejtimi i veriperëndimit, mesatare deri e fortë, ku në disa vende në Dukagjin mund të arrijë deri në 15m/s, ndërsa në rrafshin e Kosovës, kjo shpejtësi parashihet të arrijë deri 12m/s.

Komento:

	Komenti