Informacionet e para që janë trajtuar nga ana e Policisë ka qenë mundësia e përfshirjes së Aridian Maznikollit, i njohur si ‘Rusi’ në këtë rast.

Sinjali raportoi se i njëjti u trajtua fillimisht si person i dyshuar për plagosjen dhe nisi ndërmarrja e veprimeve të nevojshme për të konfirmuar palët e përfshira në incident.

Më pas, Sinjali gjithashtu raporton se personi për të cilën raportuan se èshtë i dyshuar, është lajmëruar në redaksinë e tyre ku është shfaqur edhe me pamje.

Siç raporton mediumi, ai ka deklaruar se nuk ka të bëjë asgjë me rastin që ka ndodhur dhe nuk ka gisht në plagosjen e personave në fjalë pasi nuk ndodhet fare në Kosovë.

Mes tjerash, Maznikolli e tregoi edhe pasaportën që e dëshmon se ka dalë nga Kosova para disa ditësh dhe tashmë ndodhet në Austri.

“Unë jom në Austri, që nja javë ditë. Informata pa lidhje. Është e faktuar kur kam dalë nga Kosova.” – tha Maznikolli për Sinjalin.

Ndërkohë, tre viktimat që u qëlluan me armë zjarri janë dërguar në QKUK dhe njëri prej tyre ndodhet në gjendje kritike.