Agim Hyseni, është emëruar të premten në pozitën e zëvendësministrit të Ministrisë së Industrisë, Ndërmarrësisë dhe Tregtisë, në vend të Resul Makreshit, cili u lirua nga detyra.
Për këtë shkak përmes një komunikate ka reaguar Partia Demokratike e Ashkalinjve.
Në reagimin e PDAK-së, ky vendim i ekzekutivit vlerësohet si skandaloz.
Sipas këtij subjekti politik, Hyseni, ka qenë i dënuar dhe ka vuajtur burgimin për keqpërdorim të fondeve.
E lidhur me këtë, sot në një konferencë për media ka folur kryeministri i Kosovës Albin Kurti.
Kurti tha se ende nuk kanë arritur ta shqyrtojnë atë se çka thuhet për zëvendësministrin e ri.
Por, shefi i qeverisë theksoi se kur ta shqyrtohet i gjithë rasti, do të merret vendimi adekuat.
“Me partinë e cila i përfaqëson ashkalinjtë në Kuvendin e Republikës dhe në Qeverinë tonë unë jam në koalicion. Prandaj zëvendësministri nga radhët e tyre është si emër i veçantë pjesë e marrëveshjes sonë të koalicionit. Tash ne ende nuk kemi arritur ta shqyrtojmë krejt çfarë thuhet për zëvendësministrin e ri, por kur ta bëjmë këtë do ta marrin veprimin apo vendimin adekuat. Por, tash nuk mund të flasë për këtë gjë. Porsa e emëruam atë”, tha Kurti gjatë konferencës.
-2 °C
