A i shkeli Ronaldo protokollet kundër COVID-19 me udhëtimin drejt Italisë?

Ministri i Sportit në Itali, Vincenzo Spadafora, beson se ylli i Juventusit, Cristiano Ronaldo, mund të ketë thyer protokollin për koronavirus, me fluturimin nga Portugalia drejt Italisë.

Ronaldo u kthye përsëri në Torino, pavarësisht se ishte testuar pozitiv me COVID-19 derisa ishte i grumbulluar te Kombëtarja e Portugalisë.

“Po, unë mendoj që po, nëse nuk do të kishte autorizime specifike nga autoriteti shëndetësor”, ka deklaruar Spadafora, kur u pyet nëse kthimi i Ronaldos ishte kundër rregullave për COVID-19.

Juventus mbrojti Ronaldon, duke thënë se fluturimi i tij ishte autorizuar nga autoritetet shëndetësore.

Ende nuk dihet nëse Ronaldo do të jetë i gatshëm për sfidën kundër Barcelonës në Ligën e Kampionëve.

Komento:

	Komenti