Ish sulmuesi i Manchester United, Robin van Persie beson që Erik ten Hag është njëri prej trajnerëve më të mirë të futbollit.

Ish sulmuesi filloi të punojë më afër me bashkëatdhetarin e tij, derisa sot ai është rikthyer në fushën stërvitore të United. Van Persie ka mbetur i impresionuar me metodat e Ten Hag, përderisa shfrytëzoi Instagramin për ta falënderuar trajnerin dhe klubin për përvojën.

“Faleminderit për pritjen e mrekullueshme (Manchester United) dhe Erik ten Hag”, shkroi ai. “Kohë e shkëlqyer në Carrington për një udhëtim në korsinë e kujtesës dhe për të mësuar nga njëri prej trajnerëve më modern në futboll sot”.

Van Persie, i cili fitoi Premier Ligën me United gjatë tri viteve të tij në klub, është duke mësuar për t’u bërë trajner dhe është bërë bashkë me stafin e United pasi që Ten Hag e ka ftuar atë.

Djajtë e kuq kthehen në aksion më 21 dhjetor kur ata do ta takohen më Burnleyn në kuadër të rrethit të katër të Carabao Cup.

Komento:

	Komenti