Vazhdojnë pritjet për mërgimtarët në kufi.

Ardhja e kosovarëve që jetojnë jashtë vendit ka shkaktuar kolona të gjata nëpër pikat kufitare, shkruan lajmi.

Sipas të dhënave të fundit të Qendrës për Menaxhimin Kufitar, pritjet në Merdare arrijnë deri në
mbi katër orë.

Këto pritje po shkaktohen në dalje të territorit të Kosovës, teksa janë krijuar kolona me gjatësi deri në dy kilometra.

Pritje ka edhe në Mutivodë, teksa mërgimtarët janë bllokuar në kolona deri në tre orë.
Aty kolonat e veturave kanë arritur deri në 1 mijë e 700 metra.

Gjendje pak më e mirë është tek Dheu i Bardhë ku pritjet arrijnë deri në 40 minuta.

Sipas zyrtarëve të MPB-së, pritjet më të gjatë po shkaktohen nga pala serbe e cila është duke punuar me vetëm një sportel dhe nga kontrollet e panevojshme të tyre.

Komento:

	Komenti