Vdekja e 12 vjeçarit në Fushë Kosovë, zbulohen detaje tronditëse – Ora Info Ballina | ORAinfo.com - Nuk ndalet
Lajmet e fundit
0 °C

Vdekja e 12 vjeçarit në Fushë Kosovë, zbulohen detaje tronditëse

10:38 | 12 Korrik 2019

Një ngjarje e rëndë ka ndodhur dje në Fushë Kosovë.

Për më shumë se dy ditë familja nuk pati asnjë informacion për fatin e tij. E, 12-vjeçari K.I u gjet i vdekur pasditen e së enjtes nga një punëtor i pastrimit në Fushë Kosovë. Vdekja e tij po cilësohet e dyshimtë nga prokuroria, derisa familjarët kanë kërkuar nga organet e rendit të hedhin dritë mbi këtë rast.

Në rrugën “Xhemajl Mustafa” në Fushë Kosovës, afër një bërllogu në këtë rrugë të enjtën qytetarët u alarmuan kur panë trupin e pajetë të një personi.

Atë e pa, pasditen e djeshme, një punëtor i pastrimit, që menjëherë lajmëroi policinë.

“Masi e kum hjek krejt bërllogun një jargon është kanë aty, kur e kum ngre jarganin ju kanë shplu kamt edhe ma se kum prek. E kena thirrë policinë tash janë tu u marrë këta me to”, ka deklaruar ky punëtor, raporton Express.

Familja në anën tjetër kanë deklaruar se djali i mitur kishte dy ditë që ishte larguar nga shtëpia, e nuk kishin ditur asgjë për fatin e tij. Këta të fundit kanë kërkuar nga organet e hetuesisë që të zbardhin arsyet që kanë çuar deri te vdekja.

“Sot e dyta ditë, nuk u kanë në shpi si të del prej shpisë nuk vjen deri në 12 natës. Kërkojmë nga mjekësia ligjore që të zbardhet rasti menjëherë pse ka vdekur, a është i mbytur apo ka ndërruar jetë vetë”, kanë shtuar familjarët.

Policia e prokuroria që dolën menjëherë në vend të ngjarjes kanë deklaruar se te i mituri ka pasë shenja të dhunës, e se nuk dihet se për sa kohë qëndroi në atë vend.

“Është vdekje e dyshimtë si duket ka shenja dhune mirëpo ende nuk dihet pa e dhanë versionin mjekësia ligjore”, deklaruan nga prokuroria.

Në anën tjetër, Policia për rajonin e Prishtinës thotë se është njoftuar nga qytetarët për një trup të shtrirë afër një ndërtese dhe pas daljes në vendin e ngjarjes nga ekipet policore dhe mjekësore është konstatuar vdekja e viktimës mashkull, i mitur.

Flora Ahmeti, zëdhënëse e Policisë në Prishtinë ka thënë e po vazhdojnë hetimet për këtë rast dhe se rasti po cilësohet si vdekje e dyshimtë.

‘Dje rreth orës 17:30 kemi pranuar informaten se në afërsi të një ndërtese, në rrugën Xhemajl Mustafa në Fushë Kosovë, ndodhet një person i shtrirë. Menjëherë në vendin e ngjarjes kanë dalë policia dhe ekipi mjekësor , i cili ka konstatuar vdekjen e viktimes mashkull (i mitur)” ka thënë Ahmeti.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!