Ndahet nga jeta ylli i rokut.

Spencer Davis, një nga artistët më të vjetër të rokut, ka vdekur në moshën 81 vjeçare.

Spencer Davis, një nga figurat kryesore të rokut gjatë viteve 1960, ka vdekur në moshën 81 vjeçare, shkruan BBC, transmeton lajmi net.

Kitaristi uellsian ishte forca lëvizëse e “The Spencer Davis Group”, i cili shënoi hite transatlantike me Keep On Running dhe Somebody Help Me.

Grupi, i cili gjithashtu përfshinte një adoleshent Stevie Winwood, bëri një turne me The Who dhe The Rolling Stones në vitet ’60.

Davis vdiq në spital të hënën, ndërsa po trajtohej për pneumoni, tha agjenti i tij për BBC.

“Ai ishte një mik shumë i mirë”, tha Bob Birk, i cili kishte punuar me muzikantin për më shumë se 30 vjet.

“Ai ishte një njeri tepër etik, shumë i talentuar, zemërmirë, jashtëzakonisht inteligjent, bujar. Ai do të nga mungojë”, shtoi Birk.

Davis lindi në Swansea më 1939 dhe filloi të mësonte për herë të parë harmonikën dhe fizarmonikën në moshën gjashtë vjeçare.

Ai u transferua në Londër për të punuar për shërbimin civil në moshën 16 vjeç, por më vonë u zhvendos në Birmingham, ku dha mësim gjermanisht ditën dhe luajti në klubet lokale natën.

Davis formoi një grup të quajtur The Saints me Bill Wyman, më vonë një anëtar i Rolling Stones; dhe interpretoi muzikë popullore me Christine Perfect, e cila, si Christine McVie, u bë anëtare thelbësore e formacionit klasik të Fleetwood Mac.

Komento:

	Komenti