Cristiano Ronaldo ka zbuluar se një çmim individual i Lionel Messit pothuajse e detyroi atë të tërhiqej nga futbolli në vitin 2019. Ylli portugez pranoi se ai rrezikoi duke lënë Real Madridin për t’iu bashkuar Juventusit katër vjet më parë.

Në biografinë e Ronaldos që u publikua të mërkurën, gazetari i L’Equipe, Thierry Marchand zbuloi një histori në lidhje me zhgënjimin e yllit aktual të Manchester United pasi humbi fitimin e Topit të Artë në vitin 2018.

“Është e lehtë të qëndrosh në flluskë kur je i suksesshëm”, pohoi Ronaldo.

“Kam rrezikuar të vij në Torino. Ndryshova klubin, ligën, kulturën e futbollit. Kam rrezikuar dhe ishte ai rrezik që, jam i sigurt, më bëri të mos e fitoja Topin e Artë në vitin 2018. Nëse Messi fiton Topi i Artë këtë vit, po e lë futbollin”.

As Messi dhe as Ronaldo nuk e fituan çmimin në vitin 2018, me Luka Modric që mori çmimin e madh individual pasi udhëhoqi Kroacinë në finalen e Kupës së Botës në Rusi.

Interesimi i PSG-së

Portugezi zbuloi gjithashtu se Paris Saint-Germain është ende i interesuar për të marrë shërbimet e tij.

“E di që dera është e hapur”.

“E shoh veten duke luajtur në Parc des Princes, përballë 50,000 emigrantëve portugez. Do të ishte fantastike”, përfundoi ylli portugez.

Komento:

	Komenti