Vesa Luma sot feston ditëlindjen

Për njërën ndër këngëtaret më të dashura për publikun shqiptar, Vesa Lumën sot është një datë e veçantë.

Vesa feston 33-vjetorin e lindjes, e me këtë rast ka pranuar urime të shumta nga më të afërmit, miqtë e kolegët e saj, shkruan rtv21.

Ka një javë që artistja ka filluar festën, e një befasi të veçantë i kanë përgatitur miket e saj para disa ditësh.

Këngëtarja ka vite që është pjesë e skenës dhe me paraqitjet e saj të veçanta ka arritur të fitojë dashurinë e publikut.

Pasionin dhe talentin e ka trashëguar nga nëna e saj, ndërsa për herë të parë ka kënduar në moshën 5-vjeçare, në “Akordet e Kosovës”, bashkë me grupin për fëmijë “Xixëllonjat”.

Ajo ka mbaruar shkollën e ulët të muzikës për fluat, ndërsa ka vazhduar shkollën e mesme të muzikës “Prenk Jakova” në Prishtinë, dega e solo këndimit.

Ndërsa, ka diplomuar edhe në degën e Komunikimit Masiv dhe Gazetarisë, në Universitetin AAB.

Talenti i saj është veçuar gjatë audicionit shumë të njohur “Ethet e së premtes”, ku Vesa ka arritur të jetë finaliste e spektaklit.

Me këtë pjesëmarrje, Vesa shënon fillimin e karrierës së suksesshme, duke u bërë njëra ndër këngëtaret më të dashura për publikun shqiptar.

33-vjeçarja është e martuar me reperin nga Shqipëria, Big Basta dhe kanë një djalë, Lianin.

Komento:

	Komenti