Veseli flet për suksesin e PDK-së gjatë dekadës së fundit – Ora Info Ballina | ORAinfo.com - Nuk ndalet

Veseli flet për suksesin e PDK-së gjatë dekadës së fundit

20:27 | 27 Janar 2019

Kryetari i Partisë Demokratike të Kosovës, Kadri Veseli, njëkohësisht edhe Kryetar i Parlamentit është shprehur sipas tij zgjedhjet e deritanishme të Partisë Demokratike të Kosovës kanë qenë mjaft të sukseseshme.

Kreu i PDK-së ka shkruar në faqen e PDK-së se deri sot janë zgjedhur strukturat e reja në 390 nëndegë, ndërsa ka veçuar faktin se reformat e paralajmëruara kanë marrë mbështetjen e gjithë anëtarësisë së PDK-së.

“Një proces zgjedhor fantastik është duke u zhvilluar në PDK. Deri më tani, në 390 nëndegë janë mbajtur zgjedhjet, në një frymë shembullore demokratike, transparente dhe të hapur për përfshirjen e të gjithë atyre që duan të kontribuojnë për vendin dhe Partinë Demokratike të Kosovës. Në 8 degë, nga 39 që i ka PDK, tani janë zgjedhur kryetarët e rinj, të cilët i uroj për përgjegjësinë e re që kanë marrë.

Sot kishim një proces shembullor demokratik në degën e PDK-së në Shtime, e në të cilin u zgjodh kryetar dege Rrahman Jakupi. Në mënyre të veçantë dua t’i falënderoj kryetarët e deritanishëm Fehmi Mujotën e Naim Ismajlin, si dhe deputetin Fatmir Xhelili, të cilët me një gjest të lartë qytetarie hoqën dorë nga kandidimi, për tu dhënë hapësirë dhe shancë gjeneratave të reja, energjisë dhe vizionit të tyre për komunën dhe shtetin.

Kjo është Partia Demokratike e Kosovës, një gërshetim gjeneratash dhe bashkim vlerash, për Kosovën, për fuqizimin politik dhe zhvillimin ekonomik të saj. Kjo është Dekada e Re”, ka shkruar Veseli në faqen e tij në Facebook.

Komento: